كل صفحة في التول: فيها إيه، وتستخدمها إزاي، والتفاصيل المستخبية اللي بتفرق. اقراه مرة، وارجعله وقت ما تحتاج.
Sherko Trading Tool في 6 نقط
دوس على أي نقطة تفتحلك تفاصيلها
سنايبر بيصطادلك الأرخصيدوّر ويشتري لوحده تحت سعر السوق
حط اللاعيبة اللي عايزهم في الـ Target list، وحدد بتشتري تحت Futbin بكام. السنايبر بيلف على السوق ويشتري أي نسخة أرخص، بسرعة وبحدود آمنة — والكابتشا بس هي اللي بتوقفه.
التول بتراقب السوق وتبعتلك الفرصة: «اشتري لحد X وبيع بـ Y = مكسب Z بعد الضريبة»، متأكدة من سعر Futbin. زرار Flip بيشتريها بضغطة واحدة.
التفاصيل ←الهانت: اعرف امتى البياع بيرمي رخيصنفس الكارت · نفس الساعة · كل يوم
فيه بياعين بيرموا نفس الكارت رخيص في نفس الوقت كل يوم. التول بتكتشف العادة دي ويقولك تكون أونلاين امتى وتشتري لحد كام — وبينبهك قبلها.
التفاصيل ←الفليب: يقولك بيع امتىهدف ربح · تحذير خسارة · لوحة نتايجك
كل كارت اشتريته فليب ليه هدف بيع. أول ما السعر يوصله: صوت + « SELL NOW» وزرار يعرضه للبيع. ولو نزل كتير ينبهك. وكل نتايجك متجمعة: كام فليبة، وكسبت كام.
اتبع الخطوات بالترتيب — مرة واحدة بس، ومش محتاج تفهم حاجة تقنية. التول بتشتغل على الكمبيوتر جوه الويب اب بتاع EA. وعلى الآيفون كمان: خطوات التثبيت على الآيفون.
للكل (مرة واحدة)
نزّل إضافة Tampermonkey — مجانية ومشهورة، وهي اللي بتشغّل التول في المتصفح. tampermonkey.net
اعمل حسابك — من صفحة التسجيل: اسم مستخدم وإيميلك وباسورد، وفحص «مش روبوت» سريع. احفظهم كويس. اسم المستخدم حروف إنجليزي وأرقام بس (من 3 لـ 20)، والباسورد حساس للحروف الكبيرة والصغيرة.
أكّد إيميلك وادخل — هيوصلك إيميل من Sherko Tool، دوس أكّد إيميلك (لو مش لاقيه بص في الـ Spam). ارجع للتول ← الحساب (Account) ← Sign in. ادخل من أول مرة على ناديك انت.
هتجرب الأول؟ خلاص كده!أول ما تعمل Sign in التجربة بتشتغل لوحدها 24 ساعة والعداد تحت الشاشة — مش محتاج تليجرام ولا دفع. لما التجربة تخلص (أو لو حبيت تشترك بدري) كمّل بالخطوات اللي تحت
بيوصلك تنبيه قبل الوقت بشوية، وتنبيه تاني قبل الوقت على طول.
Target list مليانة؟لو الليستة المفتوحة فيها 50، التول بتفتح أول ليستة فيها مكان وتحط الكارت فيها لوحدها.
الهانت أسرع من السنايبربيبحث أسرع من السنايبر، فاحتمال الكابتشا أعلى. لو ظهرت كابتشا: إنذار وصوت — حلّها في خلال دقيقة.
Alerts
دوس S ← التنبيهات (الرقم = اللي ما اتقراش)
كل التنبيهات في مكان واحد. على الشمال الأنواع، وفي النص التنبيه المختار كبير بزراره، وتحته الباقي.
For tradingفرص تريد: اشتري لحد X ← بيع بـ Y ← مكسبك بعد الضريبة، ودرجة الثقة (HIGH / MEDIUM) — ومتأكدة من سعر Futbin. وكمان Sell now: كروت عندك سعرها عالي عن الطبيعي.
Cheap nowكروت نزلت فجأة تحت سعرها الطبيعي. ده تلميح مش فرصة جاهزة (مفيش سعر بيع ولا تأكيد Futbin) — شوف السوق بـ 🛒 Market قبل أي شرا.
Coin radarصفقات غريبة (اتباع أغلى أو أرخص من سعره بكتير).
الفرص على قد كوينزك
التول بتبعتلك الفرص اللي تقدر تشتريها بس — عمرها ما تبعتلك فرصة أغلى من فلوسك.
والفرص الصغيرة أوي بالنسبة لفلوسك مش بتوصلك — كده كل واحد بياخد الفرص اللي على مقاسه، والزحمة على نفس الكارت بتقل.
من Alerts ← For trading ← Max per pick بتختار الفرصة الواحدة تاخد قد إيه من كوينزك: 25% · 50% · 75% · 100%.
عمر فرصة التريد
🟢 أقل من 5 دقايق · أقل من 15 · 🔴 أقدم.
الفرصة حيّة 20 دقيقة، وبعدها بتبهت ونفضل نوريهالك 3 ساعات عشان تشوف اللي فاتك.
عليها لو Futbin لسه تحت سعر الشرا، أو ❌ لو السعر طلع أو الفرصة خلصت.
زراير التنبيه
Flip: يفتحلك بوكس الشرا، وخانة «To» بتبدأ بـسعر Futbin دلوقتي (أو سعر الفرصة لو أقل) — السنايبر يشتري لحد عدد Max buys ويسجله فليب.
🛒 Market: يفتح السوق على الكارت ده بالظبط — ده الفحص الحقيقي.
Target · ID · Futbin ↗ · In my lists.
🤫 زرار 🔄 Refresh (في For trading بس)لو فاتح بعد غياب: بيتأكد إيه اللي لسه شغال — الشغال يطلع فوق، والمنتهي تحت فاصل «Gone». السطر اللي فوق بيقولك: كام اتأكد، كام انتهى، وكام ما اتشيّكش.
التنبيهات الحمرا (كابتشا / EA رفض) بتطلع في بوكس قدامك على طول، مش بتستنى.
الفليب — اشتري رخيص، بيع لما يطلع
بيبدأ من Flip في Alerts، أو من Player list memory، أو من وضع Flip في السنايبر
كل كارت فليب عليه شريط بنفسجي: 64K→71K +3,450 = اشتريته بـ 64K، هدف البيع 71K، ومكسبك عنده بعد الضريبة.
SELL NOW: أول ما Futbin يوصل الهدف: صوت + إشعار + كارت عايم فيه 💲 List (يعرضه ساعة بسعر Futbin على طول بدوسة واحدة) و⏳ Wait to raise again (استنى — لو طلع أكتر يقولك تاني، ولو ما طلعش بعد شوية يقولك بيع).
FLIP: لو السعر نزل كتير تحت سعر شراك — تحذير «بيع صغير دلوقتي أو استنى».
RECOMMENDATION: تحت كل «SELL NOW» و« FLIP»، وتحت كل فليب لسه في إيدك في My flips: بيقولك بيع ولا استنى وليه — من حركة سعره في الأيام اللي فاتت ومواعيد البروموهات. تقدير مش وعد.
🎆 اتباع بمكسب؟ ألعاب نارية ثانيتين ورقم مكسبك في نص الشاشة 😄 (تقفلها من Alerts ← Flips ← 🎆 Fireworks). وصوت الشرا بقى «cha-ching» .
لوحة النتايج في Alerts ← Flips: عدد الفليبات، إجمالي المكسب، المكسب للفليبة، نسبة الكسب، وآخر 7 أيام — وكل فليبة اتباعت في سطر.
🤫 نسبة الربح مستخبية هناPlayer list memory ← تاب Flips ← Settings ← « Flip: alert when the profit reaches»: 3 / 5 / 8 / 10 / 15 %. وجنبها تحذير الخسارة بالنسبة اللي تختارها. تغييرها بيحرّك هدف كل الفليبات فورًا.
Player list memory
دوس S ← ليستات
على اليمين: ليستاتك
Target list: 7 ليستات، كل واحدة لحد 50 لاعب، وتقدر تسمّيها (✎). السنايبر بيصطاد الليستة المفتوحة، والتنبيهات شغالة على السبعة.
أسعار Futbin: الليستة المفتوحة (اللي السنايبر بيشتري منها) بتتحدث لوحدها، وأي لاعب عليه تنبيه سعر أو فليب كمان. الليستات التانية: دوس ↻ جنب اللاعب لما تحب — ولو سعره اتحرك بنسبة التنبيه بتاعتك، التول بتنبهك لوحدها. كل لاعب عليه رسم بياني (يوم / يومين / 7 / 10 أيام).
Watch lists (تحت Advanced): ليستات للمراقبة بس (السنايبر مش بيشتغل عليها). وضع Auto بيضيف فيها كروت الأسبوع اللي على قد كوينزك لوحده.
«Find a player» يدوّر في الـ Target lists بالاسم أو الـ ID، و↻ Refresh prices يتأكد من أسعار EA الحقيقية.
دوس Snipe 40 in the Sniper — بيبعت لحد 40 لاعب (أو العدد اللي ظاهر لو أقل).
روح Sniper: هتلاقيه اتحوّل لوحده على وضع Rating list وفيه اللاعيبة دول — دوس ▶ Run.
🤫 بيشتري بكام؟بيلف على اللاعيبة واحد واحد، ويشتري أي نسخة تحت سعر Futbin بنسبة الخصم (15% إلا لو غيرتها في السنايبر)، وبعدها يعرضها بسعر Futbin. وأسعارهم بتتحدث لوحدها.
NEWأول ما تحدي SBC جديد ينزل: رقم على أيقونة SBC، نقطة على التصنيف، وميدالية « NEW» على التحدي — ونفس الفكرة على بوكس FC Hub للأهداف. بتختفي أول ما تفتحه.
Gallery
دوس S ← الجاليري
كمّل سيتات الجاليري وخد التوكنز — بأقل تكلفة ومن غير خسارة.
Best value: بيخطط أكتر توكنز بالكوينز اللي معاك. All sets: كل السيتات بتصنيفاتها زي اللعبة.
اختار الدرجة (D / B / S…) ودوس ▶️ Buy & list، أو علّم ☐ على كذا سيت ودوس «Buy & list selected» يعملهم ورا بعض.
بوكس الخصم: قبل الشرا بيسألك: بسعر Futbin / −5 / −7 / −10 / −15 % (أو نسبة بإيدك).
🤫 الحسبةالكارت بيتعرض تاني بسعر Futbin. يعني −5% = لا مكسب ولا خسارة (بتغطي ضريبة EA)، و−10% ≈ 5% مكسب. 3 محاولات بخصمك، وبعدها بسعر Futbin، وبعدها يزوّد درجة درجة لحد +10% (ويعرضها بالتكلفة + 5% فمتخسرش). الكارت اللي بـ 200 (أقل سعر) بيتشرى على طول. كل كارت بيتشرى مرة واحدة بس حتى لو سيتين محتاجينه.
خلي صفحة الجاليري مفتوحة وهو شغال — لو سبتها بيعمل Pause، ولما ترجع تدوس ▶️ Resume. ومايشتغلش وفيه جولة Sniper/Hunt شغالة. الـ Grade نفسه بتعمله في اللعبة.
Squad Improvements
Squads ← المربع الرابع
بيقولك ترقي تشكيلتك إزاي: تعديلات مجانية الأول (chemistry style / role)، تبديلات من كلوبك ببلاش، وبعدين أحسن شرا على قد ميزانيتك.
الميزانية: سلايدر + 25%50%All أو رقم بإيدك. فلاتر: Keep chemistry · Free only.
كبّرت الميزانية؟ التول بتدوّر على كروت أغلى لكل مركز لحد ميزانيتك — السطر فوق بيعدّ « 3/11 positions» وبعدين «+N cards». بتاخد نص دقيقة تقريبًا.
دوس على أي مركز يفتحلك البدايل، وكل بديل عليه مكسب الـ GG، و«−2 chem» لو هيقلل الكيمستري، و🛒 Buy (ببوكس الخصم) و ID.
🔗 fut.ggمحتاج تكون فاتح fut.gg مرة وانت داخل بحسابك (GG Club مربوط بـ EA). المربع نفسه بيقولك الخطوة الجاية وفيه زرار «Open fut.gg ↗».
Players from:My club first, then the market (كلوبك ببلاش الأول، والناقص يشتريه) · My club only · Market only.
🛡️ Protect from use — لاعيبة مايلمسهمش وهو بيحل من كلوبك:
My whole squad (11 + subs + reserves) = تشكيلتك الأساسية كلها بالبدلا والاحتياطي في أمان (الافتراضي) ·
My starting 11 = الـ 11 الأساسيين بس، والبدلا مسموح يستخدمهم ·
Nothing = أي كارت في الكلوب مسموح.
وكمان: كروت الإعارة والـ Evolutions مابيستخدمهاش، ولا الكروت اللي حاطها في تحدي تاني لسه ما سلّمتوش، ولا أي اسم في never-use list.
Solve بيلتزم بكل شروط التحدي (عدد الـ Gold، التقييم، الكيمستري، نفس النادي…) — حتى في التحديات اللي أقل من 11 لاعب أو فيها لاعيبة EA ثابتين.
تختار: كلوبك الأول ثم السوق، أو السوق بس، أو كلوبك بس — Untradeable الأول أو Tradeable بس.
🔄 Different squad تشكيلة تانية، ↻ على لاعب يغيّره لوحده، Check real prices ثم 🛒 Buy squad.
Transfer List وكروتك
Transfers ← Transfer List (ونفس البادجات في الكلوب والسوق)
بادج السعر على كل كارت: سعر Futbin، و✔/≈ مكسبك لو اتباع أو معروض، وشريط الفليب البنفسجي.
ID جنب البادج: ينسخ ID الكارت — الزقه في أي خانة اسم (Sniper / Target list) يختار الكارت ده بالظبط.
☐ علامات اختيار: علّم الكروت اللي عايزها، والزرارين بيشتغلوا عليها بس: 💲 List selected at FB price و📥 Send selected to Club.
صفحة الكارت: FB price · At lowest · Under lowest · My prices (من/لحد بأسهم زي EA) · Evolutions اللي الكارت ينفع فيها · Lowest price.
البحث بالـ ID في السوق
Transfers ← Search the Transfer Market
فوق خانة اسم اللاعب فيه سطر Card ID: الزق الـ ID وحط أقصى سعر ودوس Enter — النتايج بتبقى للكارت ده بالظبط (مش أي نسخة تانية لنفس اللاعب). الأرقام العربي شغالة.
SYNC — ابدأ على جهاز، كمّل على التاني
شغال لوحده وانت داخل بحسابك
ليستاتك، فليباتك، تنبيهات الأسعار، تكاليف الكروت، الربح اليومي وتقدم الجاليري — بتمشي مع حسابك على أي جهاز. ابدأ من اللابتوب في الشغل، وكمّل من البيت: ولا حاجة بتضيع، ولا كارت بيتشرى مرتين. وعشان كده الباقات فيها 2 و3 أجهزة.
( آخر تعديل هو اللي بيكسب)ماتشغلش نفس عمليات الشرا (Gallery / Flip / Sniper) على جهازين في نفس اللحظة.
🛡️الأمان والقواعد — حسابك ونواديك
الكابتشا هي الحاجة الوحيدة اللي بتوقف التول: إنذار وصوت — حلّها في خلال دقيقة. تحذيرات EA التانية بتنبه بس.
حدودك اليومية للبحث والشرا شغالة دايمًا.
الأسعار: جنب كل سعر مكتوب مصدره — FB = Futbin وFG = fut.gg. أوقات الضغط التول بتستخدم FG لحد ما Futbin يرجع، وده طبيعي.
التول عمرها ما بتشتري أو تبيع من غير ما انت تدوس — حتى «Auto-buy» بتشغله انت.
الأسعار والفرص تقدير، مش وعد. زرار 🛒 Market هو الفحص الحقيقي قبل أي شرا كبير.
حسابك ونواديك
ليه التول مقفولة على ناديك وأجهزتك؟ لأن التول دي مكتب التجارة بتاعك انت: ليستاتك، والسنايبر، والفليبات، والهانت، وتنبيهات الأسعار، والربح اليومي — كله شغال على الكروت اللي انت اخترتها وحطيتها في الـ Watch list والـ Target. علشان كده بتتربط بناديك وأجهزتك، ومحدش غيرك يقدر يشتغل بيها.
كل باقة ليها عدد نوادي EA زي عدد أجهزتها: التجربة نادي واحد · 3 شهور نادي واحد · 6 شهور ناديين · السنة 3 نوادي.
أول نادي تفتح عليه التول هو اللي بيتسجل على اشتراكك (وفي الباقات الأكبر: أول ناديين / 3 نوادي).
نادي أو جهاز زيادة عن باقتك؟ التول بتتقفل عليه على طول. نواديك وأجهزتك الأصلية شغالة عادي. غيّرت جهازك؟ شيل القديم من شاشة القفل نفسها بدوسة. عايز نادي أو جهاز زيادة؟ رقّي باقتك من البوت.
( التجربة)افتح التول من أول مرة على النادي اللي عايز تجرب عليه — لأنه هو اللي هيتسجل.
نسختك الشخصية: أول ما اشتراكك يتفعّل، البوت بيبعتلك لينك تسطيب معمول باسمك انت بس، وبيتحدث لوحده. ضاع منك؟ اكتب /link في البوت. متبعتهوش لحد، لأن النسخة متعلّمة باسمك، ولو اشتغلت بحساب تاني بتتقفل وبنعرف على طول.
اليوزر بتاعك ليك انت بس: كل تشغيل للتول بيتسجل بالجهاز والنادي. لو اديت حسابك لحد تاني هيبان، والاشتراك ممكن يتلغي.
غيرت نادي أو حصل لبس؟ اكتب /support في البوت ونظبطهولك. وعندك اقتراح؟ /idea